Eskola publikoaren alde, lau partidu

Euskal Eskola Publiko be­rri­aren alde lanean hasi zela 25 urte egiten ditu aurten Sortzen elkarteak, eta hainbat eragi­lerekin batean, hau ospatzeko festa egingo da maiatzaren 22an Hernanin.
Lehenago, hainbat ekitaldi ere antolatu dituzte; bat, gaur­koa. Lau pelota partidu jo­ka­tuko dira, arratsaldeko 17:00e­tan hasita, Hernaniko fron­toian, 3 eu­ro­an.

Infantilak eta nagusiak, palan eta esku pelotan
Bi modalitate, eta bi mailako partiduak ikusteko aukera izango da gaurkoan.
Paletan, Ekain eta Ga­razi infantilak, eta Goi­koe­txea-Arrieta/Garmendia-Eizmendi nagusiak ariko dira; eta esku pelotan, Apaolaza-Oiartza­bal/Ui­tzi-Insausti II infantilak eta Arrieta-Aizpitarte/Apezetxea-Martinez de Eulate nagusiak. Bertaratzera animatzeko dei egin diete herritarrei.

Berria eta Udaberri Txapelketak, asteburuan

Hernaniarrek makina bat aukera izango dituzte as­te­buru honetan ere, pelo­ta­rekin gozatzeko.
Gaurkoan, pelotari her­na­niarrek 6 partidu jokatuko dituzte Udaberri Txapel­ke­ta­ren barruan, kadete, jubenil eta nagusien mailetan. Her­nanin bi jokatuko dira, gai­nera, 11:00etan hasita.
Bihar, berriz, Berria Txa­pelketa jokatuko da Her­nanin, 11:00etan: Pagazpe eta Huarte ariko dira el­karren kontra.