Emusik jaialdiaren egoitzetako bat izango da Hernani, datozen egunetan. Donostia 2016 hiriburutzaren bueltan, Donostia eta inguruan antolatu dituzte Europako Musika Eskolen emanaldiak. Gaur hasiko da jaialdia eta larunbata bitartean izango dira emanaldiak. Musika Eskolako ikasleak izango dira, Hernaniko anfitrioiak.
Alemaniako bi abesbatza eta Dakapo, gaur
Gaur eta bihar, EMUSIKen bueltan antolatutako bi emanaldi izango dira herrian. Europatik etorritako taldeak izango dira protagonista, egun hauetan. Gaur esaterako, Alemaniatik, Elze herritik etorritako bi abesbatzekin gozatzeko aukera izango da: Christophoruschor eta Kammerchor. Bi hauekin batera abestuko du, baita ere, Hernani Musika Eskolako Dakapo abesbatzak. Milagrosan izango da emanaldia, 19:00etan.
Connexion Ensenble eta Hernasax, bihar
Bihar berriz, Connexion Ensemble holandarrak izango dira Hernanin. Hernasax taldeko kideekin batera eskainiko dute emanaldia, Biterin, iluntzeko 19:00etan.
Egun haundia, ostiralean
EMUSIKen egun haundia ostiralekoa izango da. Donostiako Illunben elkartuko dira musikari guztiak, kontzertu erraldoia emateko asmoz; 11:00etan hasiko da.
Larunbatean, itxiera
EMUSIK ekimenari larunbatean emango zaio bukaera. Goizeko 11:00etatik aurrera, Atsegindegin elkartuko dira Hernani Musika Eskolako kideak, Escuela de la Musica San Celoni (Katalunia), Cam Orchestra-Empoli, Tuscany (Italia), FaTIKO Band (Alemania), eta JBO Velvert Orchestra (Alemania).