Aurreko asteburuan bukatu zuten denboraldia, Euskal Ligako neskek eta Gipuzkoako lehenengo mailako mutilek. Apenas zeukaten ezer jokoan neskek, eta liderraren kantxan galdu zuten (72-59). Mutilek, berriz, Final Fourrera sailkatzeko aukerak zeuzkaten oraindik, baina azkenean ez da posible izan. Bostekori, bigarren sailkatuari irabazi zioten (75-71), eta Alde Zaharraren porrotarekin, berdindu egin zieten sailkapenean, 16 garaipenekin. Hala ere, talde donostiarra geratu da laugarren postuarekin, beraien arteko bi partiduak irabazi baitzituen. Igoera fasea jokatzeko ateetan geratu dira astigartarrak.