Euskeraren inguruan, dokumentala grabatu dute Mankomunitateko herrietan: Euskaraz Gara. Atzo estreinatu zuten, Aresoko udaletxean, iluntzean.
Dokumentalean, herritarren lekukotasunak bildu dituzte, eta helburua izan da, euskeraren inguruan sentsibilizatu eta kontzientziatzea, «euskeraren inguruko jarrera kontzienteak eta indartsuak sustatzeko, eta horren bitartez, herritarrek, eguneroko bizitzan, euskeraren aldeko hautuari hobeki eta sendoago eusteko», azaldu dute.
Maiatzaren 13an Goizuetan eta 20an Aranon jarriko dute, 19:00etan udaletxeko ganbaran.
Emanaldi bana maiatzean, Goizuetan eta Aranon
Dokumentalean, aranoar eta goizuetarrak ere badira protagonista, eta bi herrietan ere emanen dute, datozen asteotan.
Horrela, Goizuetan izanen da hurrengo emanaldia, maiatzaren 13an, arratsaldeko 19:00etan, udaletxeko ganbaran.
Eta Aranon, maiatzaren 20an emanen dute, arratsaldeko 19:00etan hori ere, udaletxeko ganbaran.
Azkeneko saioa Leitzan izanen da, hilaren 25ean, iluntzeko 20:00etan.