«Lehenengo mailako taldea gara, lehenengo mailako afizioarekin»

Hil ala biziko partidua zuen Hernanik aurretik. Salbazioa zuen jokoan, beste denboraldi batez Ohorezko Mailako tal­dea izatea, alegia. Horre­gatik, ezinbes­tekoa zuen ira­baztea, eta ondo irabaztea, gainera, bonus eta guzti. 

Eta zaila zirudien arren, lortu zuten: 34-27 garaitu zu­ten Cisneros talde ma­dril­da­rra, bost entsegurekin, baita era­so bonuseko pun­tua­rekin ere. 

«Nahi bada, ahal da»
Partidua jada bukatuta, aurre­neko pasiloa egin zieten Cisne­roseko mutilek herna­niarrei; ondoren, gauza bera egin zuten herritarrek. Hiruko­loreen emozioa eta ilusioa nabaria zen beraien aurpe­gietan, baita Patrick Polidori entrenatzailearenean ere: «Bi hitz besterik ez: nahi bada, ahal da», oihukatu zien bukaeran bere mutilei.
Era berean, jokalariek Landarera gerturatu ziren zaleak ere gogoan izan zituz­ten beraien azkeneko hitze­tan: «lehenengo maila­­­ko tal­dea gara, lehe­nengo maila­ko afi­zioa­rekin», esan zuen batek. Eta ez zitzaion arrazoi­rik falta, izan ere, eguraldiari kasu haun­dirik egin gabe, herrita­rrek topera bete zuten zelaia.

Bost entsegu eta bonus bat
Hasieratik indartsu atera ziren hernaniarrak eta biga­rren minututik argi uzteko, aurreneko entsegua egin zuen Igor Etxeberriak. Hori gutxi balitz, ondo­rengo transforma­zioak beste bi puntu gehitu zituen marka­gailuan. 
Hogeita laugarren minutu­ra arte nahiko partidu ore­ka­tua izan zen. Orduan, zigor kolpearen ondorioz, Cisnero­seko mutilek hiru puntu esku­ratu zituzten (7-3). Horrek joka­lariak indartu eta en­tsegu bana eginda bukatu zuten aurreneko zatia (12-8)
Bigarren zatia, aldiz, gogo­rragoa izan zen. Beste entsegu bana egin zituzten aurre­neko minutuetan (19-15). 60­ga­rren minuturako Hernanik jada bazituen bost entseguak baita eraso bonusa ere, eta bukaera baino minutu gutxi lehenago 3 puntu gehitu zituen, zigor kolpeagatik.

Asteazkenean, erantzuna
Hala ere salbazioa guztiz ziur­tatzeko, Gernikak eta Pozuelok Hernaniri jarri dioten hele­giteari buruz Disziplina Ba­tzor­­deak zer dioen zain dago kluba.
Hernanik alegazioa aur­kez­tu du, eta dirudienez, aste­az­ke­nean egingo duten bile­ran aztertuko dituzte salaketa bera, baita Herna­niren ale­gazioa ere.