Ostiralero elkartuko dira auzotarrak, Ereñotzuko Auzo Etxean, San Antonio Jaietako xehetasun guztiak lotzeko asmoz. Dagoeneko hasiak dira jaiak prestatzen, eta bilera irekiak egingo dituzte astero, ostiral arratsaldean.
Kartel lehiaketa, martxan
Eta egitaraua prestatu bezala, kartela ere aukeratu nahi dute auzotarrek. Horretarako, aurten ere, kartel lehiaketa jarri dute martxan. Hasi dira jasotzen, jaiak iragarriko dituen kartela egiteko proposamenak, eta aukera izango da oraindik ere, beste bi astez. Zehazki, maiatzaren 13a izango da azken eguna. Proposamenak aurkezteko.
Maiatzaren 13a izango da azken eguna, kartel lehiaketarako proposamenak aurkezteko.
Kultur etxean entregatu
Kultur etxera eraman beharko dira proposamenak, eta hainbat baldintza bete behar dituzte: 12 zentimetro zabal eta 32ko altuera; paperean edo formatu digitalean; eta San Antonio Jaiak 2016 eta Ereñotzu hitzak agertzea kartelean.