Sei urte pasa dira Hernanin atez ateko sistema ezarri zenetik, eta hori ospatzeko, hitzaldia antolatu dute Hernaniko Zero Zabor taldeak eta Udalak elkarlanean.
Ez erraustu etorkizuna, Zero Zabor da bidea izenburupean, datorren larunbatean izango da solasaldia, Rossano Ercolini Zero Waste Europeko lehendakariaren eskutik.
Aurretik, Luis Intxauspe alkateak egingo dio sarrera Ercoliniri, eta Hernani, Zero Zabor udalerria. Zertan aurreratu dugu sei urteotan? gaia jorratuko du.
Goldman Saria, 2013an
Zero Waste Europe elkarteko lehendakaria izateaz gain, Goldman Saria jaso zuen Rossano Ercolini italiarrak 2013an. 1990garren urtetik, urtero naturaren eta ingurumenaren alde lan egiten duten pertsonei ematen zaien nazioarteko saria da.