Festa giroan, preso eta iheslariei elkartasuna adieraziko diete bihar Hernanin. Goizeko 10:00etan hasiko da Elkartasun Eguna, herri krosarekin; ondoren, herrien arteko desafiyua egingo dute Kale Nagusian gora; eta bapo jango dute babarrun platera, bazkalorduan. Eguna bukatzeko, bertsolariek, dantzariek... herria girotzen jarraituko dute arratsaldez, eta 19:00etako manifestazioak itxiko du eguna, Preso eta iheslariak etxera! aldarrikatuz.
Bazkaltzeko txartelak, tabernetan
Eguneko bi ekintzatan, izena ematea beharrezkoa izango da: herri krosan eta babarrun jatean. Herri krosan apuntatzeko, mahaia bihar goizean jarriko dute Plazan, irteera baino lehen. Bazkaltzeko tiketak, aldiz, Garin, Aker eta Txilin salgai daude jada, 15 euroan. Langabetuek eta umeek, gutxiago ordainduko dute.