Urtero egiten duen bezala, festa haundia prestatu du Goiz Eguzkik, asteburu honetan, maiatzaren 1a ospatzeko.
Abesbatzen emanaldia, bihar
Bihar bertan hasiko da festa, Goiz Eguzki eta Hondarribiako Kasino Zaharra abesbatzen emanaldiarekin. Arratsaldeko 19:30etan hasita, abesbatza bakoitzak emanaldi honetarako bereziki prestatuko zazpi abesti eskainiko ditu.
Etzi, ekintza gehiago
Maiatzaren 1a izanik, etzi izango da egun potoloena. Goizeko 11:00etan hasiko dute eguna bazkideek, udaberriko txapelketetako sari banaketarekin. Ondoren, 12:00etan, hildakoen omenez meza izango da San Joan Bataiatzailean. Eta bukatzeko, luntxa Goiz Eguzkin.