Kontzertua eta festa, asteburuan

Kronika - Erredakzioa 2016ko api. 28a, 02:00

Maiatzaren 1a datorrela eta, urteroko festa antolatu du Goiz Eguzki jubilatuen el­karteak; larunbatean 19:30e­tan Goiz Eguzkin, bi abes­batzen kontzertua izango da, eta igandean, festa.

Zazpina abesti
Larunbateko kontzertuan, Hon­­darribiako Kasino Zaharra izan­go da gonbidatua. Abes­ba­tza honek 25 urte daramazki lanean, eta Juncal Gastonen zu­zendaritzapean, zazpi abesti kantatuko ditu: Salvadorren heriotzean, Festara, Mandela, Lau teilatu, Las mañanitas, Suite veraniega eta Porrusalda.
Goiz Eguzki abesbatzak ere, beste zazpi kantu abestuko ditu: Agur zaharra, Zorongo, Alma llanera, Itsasoa, Ma­ri­ñelak, A ti eta Maite.

Festa nagusia, Langileen Nazioarteko Egunean
Igandean egingo da festa haundia, Goiz Eguzkin. Goi­ze­ko 11:00etan hasita, udabe­rri­ko torneoetako sariak bana­tu­ko zaizkie txapeldunei eta azpitxapeldunei. Era berean, bazkideek hainbat tai­lerretan egindako lanen era­kusketa jarriko da. Segi­dan, luntxa egingo dute. 
Bes­tal­de, festa igandea­rekin tokatu denez, hildako bazkideen omenezko meza egingo da, 12:00etan San Joan Bataiatzailea elizan.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!