Sagardoa eta sagardotegien kulturak garrantzia nabarmena dute Hernani eta inguruetan, hala nola Astigarragan. Eta kultura hori eta horren berezitasunak azaldu ditu Bego Zubia zuzendariak Sagardoa Bidegile dokumentalean.
Dokumentala Donostiako Zinemaldian aurkeztu zen, eta hainbat tokitan aurkeztu ondoren, Hernanin emango dute gaur, arratsaldeko 19:00etan hasita, Biterin.
Solasaldia eta luntxa, ondoren
Dokumentala emango dute, lehenengo, eta ondoren, Bego Zubia zuzendariarekin solasaldia egiteko aukera izango dute bertaratzen direnek. Horrez gain, Gipuzkoako Sagardogileen Elkartearen eskutik, sagardoa eta gazta mokadutxoak dastatu ahal izango dira.