Film laburren lehiaketa martxan, Olinpiaden gala berezi baterako

Proba berezi bat antolatu dute, Hernaniko Gazte Olin­piaden barruan: Film La­bur lehia­ke­ta. Maiatzaren 12ra­ko entre­ga­tu behar dira lanak: xator­kei­tan@hotmail.com. Lan guztiak ikusteko, berriz, gau be­rezia an­tolatuko dute, maia­tzaren 26rako.

Binaka, gai bat
Taldeek, binaka, egokitu zaien gaia landu beharko dute: In­per­nuko Larroxak eta Ardi gal­du­ak taldeek, Sidreros go home gaia; Salda parranda ta gero eta Borboita­rrak, Barrendero baten goi­zeko istorioak; Konkis eta Apatxeak, Munizipalak sagar­do­te­gi gara­ian; Harrapazank eta Karako­linpikoak, Equipo de inves­tiga­cion: Zer dago Tilose­ta­ko kiosko azpian?; Izenik pe eta Hortzak Estutu, Parranda eta geroko makinak greban; Putreak eta Partido Bundista, Hernanin Lege Lehorra; Kon­fu­sioa eta Pelotoia, Psikologo bat gimna­sioan; Ardi ibili eta Auto­bus MaG2koa, Ekosen txiki-park bat ireki dute; Kamon Tutan Ka­mon eta Los chikos del Moritz, Rafak tranpak jarri ditu jardi­nean; Pabo Rangers eta Pizti Nago, Jeke batek Her­naniko kiro­letan inbertitu du; eta Bato­rrela eta Bru­gal­kaba, Peñako bokatak minutu batean.

Hainbat arau
Filmak egiteko arauak ere jarri dituzte. Besteak beste, gehie­nez ere 3 minutu eta 30 se­gun­du­ko­ak izatea; sarrera (lehoia, Pixar, ilargian arran­tzan...) izen­bu­rua, istorioa eta amaie­ra­ko kre­dituak izatea; eus­ke­raz egin­dako lanak iza­tea; eta kali­ta­tezkoak izatea, iru­dia­ren eta soinuaren alde­tik (hori­zon­­ta­lak, 1080p 720p kalitatean).