Bueltan izango da gaur, Hernaniko frontoian, Berria Txapelketa. Prebietako hirugarren kanporaketa jokatuko da, 11:00etan hasita. Eta aurrez aurre, bi talde bizkaitar: Munitibarko Lea Ibarra, eta Orozkoko Olgetan. Lea Ibarra izango da faborito, senior mailan esperientzia haundiko bikotea duela, eta jubeniletan Zezeaga fitxatuta, kategoriako atzelari onenetakoa; kadete mailan dago parekatuagoa partidua. Hauek dira protagonistak (Lea Ibarra/Olgetan): kadeteetan, Albizu-Anitua/Orue-Barbara; jubeniletan, Kortazar-Zezeaga/Iriondo-Apodaka; eta nagusietan, Uriona-Jaio/Urretxu-Pagaza.