Berezia izango da Hernaniko Musika Bandaren kontzertua gaur, Atsegindegin. Jazz saioa eskainiko dute, eta horretarako, goi mailako hiru gonbidatu izango dituzte lagun: Ainara Ortega abeslaria, Satxa Soriazu piano jolea, eta Kike Arza kontrabaxu jolea.
Hamabi abestiko saioa
Arratsaldeko 19:30etan hasiko da emanaldia, Atsegindegiko estalpean. Roberto Pachecoren zuzendaritzapean ariko dira Musika Banda eta hiru gonbidatuak, eta guztira, hamabi abesti eskainiko dizkiete, bertaratzen direnei: Benny goodman: the king of swing piezarekin hasiko dute kontzertua, eta Bésame mucho abestiarekin bukatu.