Datorren ikasturtean logotipo berria estreinatu nahi du Astigarte taldeak, eta lehiaketa bat martxan jartzea erabaki dute. Aurkezpena gaur egingo dute, Astigarragako kultur etxean, 09:00-13:00 ordutegian.
Hainbat baldintza
Lehiaketan parte hartu nahi duten guztiek dituzte ateak zabalik; izan ere, edozein adin izan dezake aurkezten denak. Formatuari dagokionean, digitalean edo paperean aurkeztu daiteke; gehienez DIN4ko formatua onartuko dute. Lanak maiatzaren 7tik 21era aurkeztuko daitezke.
Irabazlearen izena maiatzaren 21ean jakingo da. Astigarteko ikasleek erakusketa antolatu dute, eta bertan bozkatzeko aukera izango du gerturatzen den guztiak; 13:00ak inguruan jakingo da irabazlearen izena.
Saria izango da: datorren ikasturtean pintura ikastaroko lehen hiruhilekoa debalde izatea, eta hasiberriek behar duten materiala: arkatzak, ikatz-ziriak, margo batzuk, pintzelak...