Iruñeako erraldoiek girotuko dituzte kaleak, gaur

Ekintza kulturalik ez da fal­ta asteburuan Astiga­rr­agan. Gaur Iruñeatik etorri­ta­ko erraldoiek girotuko di­tuz­te kaleak; eta bihar, diziplina asko uztartuko di­tuen ikus­kizuna eskainiko du Borja Gonzalezek kultur etxean. 

Kalejira, gaur
Iruñeako Alde Zaharreko erraldoien kalejira antolatu dute gaur. Iruñeako lau erraldoi, lau kiliki eta bi dul­tzainero talde etorriko dira Astigarragara. Emanaldian Txirriskla elkarteko txistulariak ere izango dira, eta nola ez, Norberto Almandoz mu­sika eskolako txistulari gazteak eta perkusio taldea. Eguerdiko 12:00etan abiatuko dira, Foru Plazatik.

‘Hondarrezko ametsak’ bihar, kultur etxean
Borja Gonzalezek diziplina asko batuko dituen ikuskizuna emango du bihar, kultur etxean. Hondarrekin egindako artelanak, musika zuzenean, txotxongilo haundi­ak... ikusiko dituzte, berta­ra­tzen direnek. Hondarra kristal baten gainean bota, eta eskuez bakarrik baliatuta, pantaila haundian ikusiko dira berak sortutako ma­rraz­ki eta istorioak. Ikus­ki­zun honek Feten saria jaso zuen 2015ean. 4 urtetik gorako neska-mutilei zuzendutako ikuskizuna da. Arratsal­deko 17:00etan hasiko da eta sarrerak 2,5 euro balio du.