Garaipenaren bidea berreskuratu nahi du Mundarrok, eta horretarako bihar irabaztea da aurreneko erronka. Joan den astean Sanpedrotarra liderraren kontra lortutako puntuak indarra eta konfiantza eman die moreei, eta hori baliatu nahi dute bihar, sailkapenean aurretik dijoan Urnietari ere irabazteko.
Partidua maldan gora jarri zitzaien joan den astean astigarragako mutilei, baina beste behin erakutsi zuten ez direla amore ematen duten horietakoak, eta bigarren zatian berdintzea lortu zuten. Urnieta ere aurkari gogorra izango dute biharkoan. Laugarren dijoaz sailkapenean, 49 punturekin. Mundarro berriz hiru postu atzerago dago: zazpigarren dira 39 punturekin.
Babesa, garrantzitsua
Partidua bihar jokatuko da, eguerdiko 12:00etan, Zarkumendegin; eta ohi bezala, herritarren animoak lagungarriak izango dira etxeko taldearentzako.