Jaime Romero bigarren sailkatua, Irungo lasterketan

Asteburu mugitua izan zu­ten Astigarragako txirrindulariek pasatakoa. Zu­maiako Sarian izan ziren Tomas Otermin eta Tel­mo Sem­pe­rena kadeteak. 57,5 kilometroko lasterketa izan zen, azkarra eta Joseba Lopez izan zen garaile. Telmo talde nagusiarekin batera helmugaratu zen, 6ga­rren postuan; Tomas big­arren tal­dean sartu zuen, 20 se­gundu beranduago, 54ga­rren postuan.
Larunbat arratsaldean Antzuolako XLII Uzarraga Igoeran izan zen Urko Sem­perena. 107 abiatu ziren, baina 67k bakarrik lortu zuten helmuga pasatzea. Semperenak lasterketako es­ka­pada nagusian sartzea lortu zuen. Uzarragako igoeraren aurretik, bost txirrindularik osatzen zuten taldea harrapatu zuten beste zortzik. Xabier Mur­gion­do izan zen garaile; Sempe­re­na 15ga­­­rren postuen iritsi zen.
Igandean Irungo lasterketan izan ziren Aketza Bo­lado  eta Tasio Semperena alebinak, eta Jaime Romero infantila. 87 txirrindularik hartu zuten parte bi lasterketetan. Alebi­ne­tan Xabier Blan­cok irabazi zuen; Sem­perena 9garren helmugaratu zen esprint on bat eta gero; eta Aketzak 22garren egin zuen. Infantil mailan berriz, atake ugari izan ziren lasterketa osoan, nahiz eta azken itzulira arte ez zen ezer erabaki. Jaime Romero astigartarrak atakatu egin zuen gutxi falta zela, baina Haritz Seinek errueda hartu, eta az­ken metroetan pasa egin zion. Romerok ondo merezitako bi­garren postua lortu zuen.
Igande arratsean Zarauzko Udaberri Sarian izan zen Urko Semperena. Izan zen eskapadetako batean sartzea lortu zuen Urkok, eta zortzigarren postuan helmugaratu zen.

Lau hitzordu, asteburuan
Gaur bi lasterketetan hartuko dute parte txirrindulari astigartarrek: kadeteak Debako Sarian izango dira; eta alebin eta infantilak Usurbilgo Sarian. Bi­har, kadete mailan, CC Bu­­run­dan hartuko dute parte ka­de­te­ek. Eta ordu berean, Gi­puz­koako Klasikan juniorrek. y