Garaipen garrantzitsua lortu zuten Mundarro-La Salleko neskek joan den asteburuan. Euskal Ligako bigarren mailan Logroñoren kontra jokatu zuten, etxetik kanpo. Bazekiten irabazi beharreko partidua zela, eta hala erakutsi zuten. Aurreneko bi laurdenetan Logroño joan zen aurretik. Partidu erditik aurrera nabaria zen nekea, baina Mundarro-La Salleko neskek bazekiten dena emateko garaia zela: berdinketa lortu eta pixkanaka aldea haunditzen joan ziren, 11 tantoko diferentzia lortu arte. Azken laurdenean Logroñoko saiatu zen estutzen, baina garaipean etxera ekarri zuten: 45-51. Eta garaipena bakarrik ez, baita lasaitasuna ere. Izan ere, maila mantentzea lortu zuten larunbatean.
Gaur Navarro Villosladaren bisita jasoko dute; 16:00etan jokatuko da partidua, kiroldegian.
Zarautzen zita, seniorrek
Seniorretan, talde nagusiak ere garaipena lortu zuen pasa den asteburuan: 69-60, Hernaniren kontra. Azken partiduetako bolada txarrarekin bukatu zuen Mundarrok larunbatean. Joera horri eutsi, eta bihar dena emateko prest dira Astigarragako mutilak. Zast Zarautzen kontra jokatuko dute, Aritzbatalde kiroldegian, arratsaldeko 18:00etatik aurrera.