Euskal Herri osoan lan egiten badu ere, Hernanin dauka egoitza Drina Zubia Kultur Elkarteak. 2014an sortu zen, eta Jugoslavia zena eta Balkanetako herriak ezagutzera ematea du helburu, «errespetu eta elkartasuneko ikuspegitik».
Drina Zubia sariketa
Elkartearen jarduera nagusiak dira webgunea sustatzea, Tesla Ordua irratsaioa egitea, Jugoslavia Eguna ospatzea eta Drina Zubia Saria.
Hain zuzen, maiatzaren 31ra arte bidali daitezke idazlanak, 5-10 orrialde artekoak, edo komikiak, DIN A4 tamainako 4-8 orrialde artekoak, drinazubia@gmail.com helbidera. Lanak fikziozkoak edo ez-fikziozkoak izan daitezke, eta hainbat hizkuntza erabili daitezke. Oinarriak ikusteko, drinazubia.wordpress.com webgunean sartu.