Pentsioen bueltan, zita bikoitza izango da gaur Hernanin. Batetik, hitzaldia eskainiko du Jesus Uzkudunek, gaixotasun profesionaletan aditua denak, 10:30etan Biterin. Gipuzkoako Erretiratu edo Pentsionisten Elkarteak antolatu du, eta pentsionisten gaixotasun profesionaletaz ariko da Uzkudun; amiantoak edota minbizia sortzen duten beste substantziek eragindako gaixotasun profesionaletaz, hain zuzen ere.
Pentsio duinen aldeko firma bilketa, ferian
Hernaniko Duintasun Taldeak, bere aldetik, firma bilketarekin jarraituko du gaur, 1.080 euroko pentsio duinen alde. Ferian egongo dira sinadurak biltzen, 11:00etan hasi eta 13:00ak arte. Larunbatean, ordu berean Plaza Berrin.