Jolasean pasa ahal izango dute larunbat arratsaldea, 6 eta 12 urte bitarteko haurrek. Izan ere, Eziko Udalekuak antolatuta, jolasak egingo dituzte kiroldegi ondoko plazan, sarrera nagusiaren aurrekoan hain justu, 16:30etan hasi eta 19:30ak arte.
Euria egiten badu, berriz, Elizatxo ikastolako patioan egingo dituzte jolasak.
Begirale ikastaroaren barruan antolatu dute jolas arratsaldea, eta hilabete hauetan ikasitakoa praktikan jarri ahal izango dute ikastaroa jasotzen ari diren gazteek, udalekuetako begiraleekin batera.
Kiroldegiaren sarrera nagusiaren aurrean izango dira jolasak.
Udalekuak, Allon
Urtero bezala, Allon daukan etxean egingo dituzte Eziko Udalekuak: aurreneko txanda (LH 4 eta 5) eta bigarrena (LH 6 eta DBH 1) uztailean; eta hirugarren txanda (DBH 2, 3 eta 4), abuztuan. Informazio gehiago: www.ezikoudalekua.net.