Zauritu arinak, bi trenek talka egin eta gero

Tren istripua izan zen atzo Floridako geltokian. Gaueko 21:40ak ziren, Donostiatik Brin­kolara zijoan aldiriko tren batek merkantzietako tre­na jo zue­nean. Udal­tzain­goak Kronikari azaldu zionez, merkan­tzietako trena apar­katua zegoen alboko trenbi­dean, baina atzealdea kanpora aterea zeukan, ondoko tren­bi­dea oztopatuz. Aldirietako tre­na pasa zenean talka egin zuen; argazkian ikusi daite­keen moduan, bazterrean jo zuen tren batek bestea. An­bu­lantzia, suhiltzaileak, Ertzain­tza eta Udal ordez­kariak ger­turatu ziren ezbe­harraren lekura.
Istripuaren ondorioz zau­ritu arinak izan ziren. Hainbat lagun eraman zituzten ospi­ta­lera, badaezpada. ADIFeko lan­gi­leak lanean ari ziren Kro­nikak erredakzioa ixtean, tren­bidea lehenbailehen libratzeko.