Azken Hirigintza Batzordean, «igerilekuko obra egiteko pleguak onartu zirenean», Ricardo Crespo, sozialisten bozeramaileak, «bi klausula sozial gehitzeko eskatu» du, PSE-EEk prentsa oharrean azaldutakoaren arabera.
«Subkontratei garaiz ordaintzea» eta «sektoreko konbenioa betetzea»
Batetik, Crespok eskatu du «Hernaniko Udalak aplikatu dezala Kontratazio Legea Administrazio Publikoan», eta horretarako, eskatu du plegua gehitzea, «kontratatutako enpresak behartuko dituena azpikontratatutako enpresei garaiz ordaintzen».
«Lehiaketa publikoetako irizpideak aldatu behar ditugu»
Bestetik, eskatu du «azpikontratatutako enpresek idatziz frogatu dezatela sektoreko hitzarmen kolektiboa, konbenioa, betetzen dutela». Izan ere, Cresporen ustez, «Hernaniko Udalak bermatu behar du Udalak kontratatutako enpresak ardura soziala dutenak izatea. Balio erantsi bat gehitzen duten enpresak izatea, eta haien enpresa politikak langileen aldeko eragina izatea. Horregatik, lehiaketa publikoetako irizpideak aldatu behar ditugu, eta enpresa politika arduratsuaren alde egin behar dugu; ez beti zerbitzu merkeena eskaintzen duenaren alde egin».