Neguan lanean ibilitako ikazkin goizuetarra, Hernanin barrena

Goizuetako Zahagi Dantza Hernanin barrena ibili zen joan den larunbatean. Goizue­tako inauterietako ikurretako bat da Zahagi Dantza eta inguruko herrietan ezagutaraztea zen nahia. Kondairak dio, negu osoan basoan lanean aritutako ikazkina inauterietan herrira jaisten zela, zahagiko ardo guztia edanda. Moz­kortuta, herriko nesken atzetik ibiltzen zen, muxu eman nahian, eta bide batez aurpegia zikinduz; bitartean, herritarrek makilarekin jotzen zuten ikazkinaren zahagia. Eta hala egin zuten larunbatean, Kaxkoan barrena. Goizue­tarrek gogoratu dute, gaurko­tze aldera, neska zein mutilak zikintzen dituela ikazkinak.