Euskal Ligako bigarren mailan izango da Mundarro-La Salle, beste urte batez, datorren denboraldian. Hala ziurtatu zuen aurreko asteburuan, Marianistasi irabazita, eta Askartza eta Arabaren porrotekin.
Eta salbazioa poltsikoan, pixka bat gorago begiratzeko aukera ere badaukate astigartarrek. Izan ere, aurreko sailkatuaren kantxan jokatuko dute bihar, 10:00etan Logroñon, San Ignacioren kontra. Bi garaipen gehiagorekin daude errioxarrak, hiru partidu falta direnean.
Hernaniren kontra jokatuko dute mutilek gaur, kiroldegian, 5garren posturako lehian.
Mutilek derbi garrantzitsua gaur, kiroldegian
Mutilek, bere aldetik, partidu garrantzitsua bezain polita dute Gipuzkoako lehenengo mailan. Derbia jokatuko dute, Hernaniren kontra, arratsaldeko 18:00etan kiroldegian.
Eta asko izango dute jokoan, gainera. Izan ere, hiru partidu falta direnean, hernaniarrek baino garaipen bat gutxiago dauka Mundarro-La Sallek, eta beraz, bosgarren postura igotzeko aukera dauka, gaur irabazita. Garaipen bat gehiagorekin dago, laugarren sailkatua ere, Alde Zaharra.