Oso partidu garrantzitsua jokatuko du gaur Hernanik, Gipuzkoako lehenengo mailan. Mundarroren kontra ariko da Astigarragan, arratsaldeko 18:00etan hasita. Final Fourrera sailkatzeko lehian daude bi taldeak, hiru partidu falta direnean: bosgarren Hernani, 14 garaipenekin; eta seigarren Mundarro, 13rekin. Laugarren sailkatua Alde Zaharra da, hernaniarren garaipen berdinekin dagoena.