Sagardoaren Txapelketako semifinalak osatuko dira gaur, 16:00etan Galarretan hasiko den jaialdian. Azkeneko final laurdena jokatuko dute Etxeberria IVk eta Etxeberria IIIk, Gaztañaga sagardotegiaren izenean, eta Matxin IIIk eta Endikak, Petritegiren izenean. Irabazleek, Urriza eta Labakaren kontra jokatuko dute semifinala. Gaurko bigarren partidua izango da hori, eta hirugarrenean, Endika Barrenetxea ariko da Segurolarekin, Uterga eta Larrañagaren kontra.