Zure botak ez bota! lemapean, Katiuska Operazioa jarri du martxan Donostia Kulturak, eta kanpainari babesa erakutsi diote Hernaniko Amher elkarteak eta Urrats oinetako dendak.
Helburua da, Siriako errefuxiatuei bidali ahal izateko ahalik eta oinetako gehien biltzea. Gaur bukatuko da bilketa; postua jarriko da Plaza Berrin, eguerdiko 12:00etatik 14:00etara.
Zaporeak proiektua ere, martxan
Siriako errefuxiatuei laguntzeko beste proiektu bat ere badago martxan: Zaporeak. Itziar Villalba hernaniarra Chiosen dago, eta Hernanin diru-bilketa egiten ari dira, horrekin, kanpamenduetan dagoen jendeari egunero plater bero bana eman ahal izateko. Ostegunean, azokan izan ziren, eta hainbat komertziotan eta Kide tabernan eltxetxoak jarri dituzte.