Magia, malabareak, dantza, kantua, parcour, musikarien interpretazioa... Denetik izango du gaur, arratsaldeko 17:30etan Biterin izango den ikuskizunak. Hernani BHI Institutuko DBH 2 mailako ikasleek prestatu dute, ikaskide, guraso eta, oro har, herritar guztiei zuzendua.
Ikasbidaiarako lanean
Gaurko emanaldia ikusi ahal izateko, bi euroko sarrera erosi beharko da. Izan ere, ikasbidaiarako dirua biltzeko helburuarekin prestatu dute emanaldia, ikasleek. Era berean, herriari zerbait eskaintzea, eta antolaketa lan kooperatiboa bultzatzea dute helburu.