Biktimen sufrimendua kontuan hartzeko justizia motak

Buruntzaldeako Elkarbizik antolatuta, hitzaldi-ikastaroa eman zuen larunbatean Hernanin, Jose Luis de la Cuesta, zuzenbidean doktoreak; Jakiundeko kide eta Biktimen Euskal Batzor­dearen lehendakaria ere ba­da. Bertan, biktimen inguruan aplikatu diren justizia motak aztertu zituen, eta azaldu zuen: «justizia ez da Zigor Kodea aplikatzera mugatzen. Justizia penalak ez du gehienetan biktimen erreparazioa lortzen. Hobe da, beraz, justizia errestauratiboa aplikatzen saiatzea, egindako kalte bidegabea aitortu eta berradiskide­tza eraikitzeko asmorik sanoenarekin. Zentzu horretan, justizia transizionala ez da memoriarik gabeko justizia bat, honek ere biktimek sufritutakoa hartzen baitu oinarri, oroimen errestauratibo baten baitan».