Joan den asteburuan Hernanin izandako tiraldiarekin bukatu da Lehendakari Saria, eta Antonio Miner ereñotzuarra izan da txapelduna, 229 brilarekin. Gainontzeko hernaniarrek ere lan txukuna egin zuten: Miguel Burugainek, 216 brila; Ibon Minerrek, 206 brila; eta Miguel Arrozpidek, 189 brila. Hau bukatuta, Gipuzkoako Kopa jokatzen hasiko dira orain, bolariak. Bihar izango dute aurreneko tiraldia, Zarautzen, eta beste lau jokatuko dituzte Altza, Aia, Añorga eta Seguran.