«Abian jarri nahi dugu euskal jendartea, prozesu honekin aldaketa politiko eta soziala gauzatzeko»

Kronika - Erredakzioa 2016ko api. 10a, 02:00

Ezker Abertzaleak Abian prozesua jarri zuen martxan azaroan. Nondik dator?
Orain dela 5 urte Zutik Euskal Herriak ire­kitako bidea sa­kon­du nahi da Abian prozesua­rekin. Ezker Abertzaleak aza­roan ireki zuen prozesua eta helburua da eztabaida egin eta era­bakiak hartzea. Beharrezkoa da, 5 ur­tetik hona eduki du­gun egoe­raren azterketa txiki bat egitea, zer egin dugun eta aurrera nola egin behar dugun aztertu eta erabakitzeko. 

Azken urteetako errepasu labur bat egitearren... Egoeraren zein analisi egiten du Hernaniko Ezker Abertzaleak?
ETAk jarduera armatua bertan be­hera utzi zuen arren, fran­tziar eta espainiar es­ta­tuek ez dio­te beren indar­keriari uko egin. Beraien eskaintza politiko ba­karra ukazioan susten­gatzen da.
Presoen eta bere senideen eskubideak ez dira errespe­tatzen, dispertsioak bere ho­rretan ja­rraitzen du, lan­gabezia, pre­karietatea, esku­bideen urraketa, emakume eta gizonen arteko ezber­din­tasunak jarraitzen du. Horiek dira Estatu Espai­noletik eta Frantsesetik, gure herriak jasotzen duen eskaintza.

Erabakitzeko eskubidea, independentzia... Nola ikusten dituzue?
Euskal Herritarrei ez digute borondate eta erabaki de­mo­kratikoa gauzatzeko inon­go au­kerarik ematen, ez eko­nomia arloan, ezta hezkuntzan, hizkuntzan, etabarretan ere.
Urte hauetan, gauza ba­tzuetan asmatu dugu eta beste batzuetan ez. Baina  aurrera egi­teko jauzia eman nahi dugu, gure estrategia eta gure burua indartu eta nora­bidetzeko as­moarekin, inde­pendentzia eta sozialismoa lortzeko.

«Hernanin 200 kideren iritzi, ekarpen eta iradokizunak bildu ditugu».

Abian prozesura itzuliz, azarotik hona fase ezberdinak landu dituzue. Azaltzerik bai?
Abian prozesua, azaroan hasi zen. Lehen fasean, urtarrila arte, Ezker Abertzaleko jen­dearen iritzia entzun genuen, horretarako bilerak egin ziren eta ekarpenak jaso ziren, gure akatsak non egon diren aztertuz eta horietatik ika­siz. Hernanin, 200 kideren iritzi, ekarpen eta irado­ki­zunak bildu ditugu.
Bigarren fasean, propo­sa­tutako edukiak eztabaidatu  eta erabakiak hartzeari ekin genion. Fase honetan buru­tutako bilera bakoitzean 60 bat pertsonek hartu dute parte, eztabaida sakonak egin eta erabakiak hartzeko.
Aipatutako eztabaidak, 5 ata­letan egin dira, Ezker Abertza­lea­ren proiektu po­li­ti­koa, Es­kaintza independen­tista, Ga­rapen takti­koa, Gataz­ka­ren konponbidea eta Anto­laketa. Ekarpen alter­na­ti­boak egiteko aukera ere egon da.

Zein dira hemendik aurrerako pausuak?
Orain hirugarren fasean aur­kitzen gara. Apirilak 16an, Eus­kal Herri osoan bozkatuko dugu aurrera egin duten tesi alternatiboen inguruan.  Ezta­bai­da bukatuta, lanari ekin behar diogu, hau da, teoria praktikara eraman.
Ezker Abertzalea aldaketa politiko eta sozialean aurrera egiteko funtsezko eragilea da. Aurrera egite horretan, era­bakitzeko eskubidea defen­dat­zen duten guztien indarrak biltzea garrantzitsua da.  

Larunbatean azkeneko bilera deitu duzue Hernanin.
Bai eta Hernaniko Ezker Aber­tzaleko kidego guztiari dei egin nahi diogu apirilaren 16an, la­run­­batean, 9:30etan Laubidietan egingo den hirugarren eta azken batzarrera etortzeko. Bertan, tesi alternatibo desberdinak bozkatu eta erabakiak hartuko dira, au­rrera begirako lanari ekiteko.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!