Olaizola II eta Urrutikoetxea faborito, Binakako Txapelketan

Kronika - Erredakzioa 2016ko api. 9a, 02:00

Aimar Olaizolak bi aldiz ira­bazi du Binakako Txa­pel­keta, eta Martinez de Irujok bost aldiz. Bi au­rre­lariek ederki baino ho­be­to ezagutzen dute txa­pel­keta. Horregatik, Olai­zola II-Urrutikoetxea eta Irujo-Rezustaren arteko lehia ikaragarria espero da gaur, 18:00etan Bi­l­bo­ko Bizkaia pilotalekuan.

Umore Onak, 5 partidu
Bestalde, Umore Onako pilotari goizuetarrek ere badauzkate partiduak.
Hasteko, atzo bertan GRAVNI txapelketan ari­tzekoa zen Iker Sala­be­rria, Josu Ezkirozekin Na­­­­­­fa­­rroa defendatzen, Biz­­kai­ko Unax Riol eta Josu Zezeagaren kontra. 
Gaur, berriz, hiru partidu jokatuko dira. Olaz­tin, 09:30etan hasita, Xa­net Apezetxeak goizuetarrak eta Iturain oiartzuarrak, Zaramagako Ruiz de Infante eta Kintanari egin beharko diete aurre, eta Legarreta eta Elizegi benjaminek, Txukun La­kua­ko Nuñez eta Perezi. 16:00­etan, berriz, Oihan Etxe­berria eta Beñat Apezetxea Li­zarran ariko dira.
Azkenik, bihar 09:30e­tan hasita, Markel Sala­be­rria eta Julen Sala­berria, Txukun Lakuako Zearra eta Baztanen kontra ariko dira, Olaztin.

Emaitza onak, aurreko partiduetan
Azken partiduetan ere fin ibili dira goizuetarrak. Lehengo asteburuan, Le­za­­man, 22-14 irabazi zu­ten Salaberria eta Aran­gurenek, Alberdi eta Aiz­pu­ruren kotra. Elkar Pilo­ta Txapelketan ere, Egoitz Elizegik 22-14 irabazi zu­en, eta Iker Salaberriak 22 eta 4.
Eta ostegunean, Nafar Jokoetan, Legarreta eta Elizegi benjaminek ere irabazi egin zuten 18 eta 4, Uharteko Xabier Argi­bi­de eta Ibai San Sebas­tia­nen kontra.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!