Txilibita fanfarre hernaniarra, euskal musika tradizionalaren enbaxadore Mallorcan

Txilibita Fanfarrea, Herna­ni­ko Musika Eskolako fan­fa­rrea hain zuzen, Mallorca iparral­dean ibili da euskal musika tra­dizionala zabal­tzen. Oiar­tzun­go herri musika eskolako Boha, Xixura eta Biolin tal­deekin batera egin dute bi-daia,  eta Muro herrian eman di­tuzte hainbat kontzertu eta emanaldi. Joan den ostiralean esaterako, Muroko konben­tuko elizan egin zuten eus­kal musika tradizionalaren era­kustaldia. Larunbatean berriz, Llubiko antzokian izan ziren.
1714tik ospatzen da Muron San Francesc eguneko feria, eta hau girotzera ere animatu ziren la­run­bat eguerdi eta gauerdian; feria egunean San Martí pla­zan ere jo zuten.  

Mallorcako taldearen bisita, apirilaren 22an
Mallorcan emandako ema­nal­diak, elkartruke baten islada dira. Izan ere, Musika Eskolako fanfarreak eta Oiar­tzungo Musika Eskolak elkartruke bat dute adostua Mallorcako Es Reginyol-Xere­miers de Muro  taldearekin. 
Oraingo honetan euskal­dunak izan dira Mallorcara bidaiatu dutenak. Irletako xeremia eta flabiol joleak berriz, apirilaren 22tik 23ra etorriko dira. Hernanin hilaren 22an joko dute, Biterin, herritar guztien go­zamenerako.