Sendabelarrak egiten ikasteko, saioa antolatu du Astigarragako AEKk gaur, Zilegi Eskolen barruan. Mintzalagun egitasmoan parte hartzen dutenentzat prestatu dute bereziki, baina herritar guztiei luzatu diete gonbitea, bertaratu eta parte hartzeko.
Arratsaldeko 17:30etan hasiko da ikastaroa, eta AEKren lokalean izango da; Nabarra Oñatz kalean daukaten lokalean, hain justu.
Izenematea, email bidez edo telefonoz
Ikastaroa egin nahi duenak, bi aukera dauzka izena emateko: iker-g@aek.eus helbide elektronikora idatzi, edo deitu 607 610 687 telefonora.
Xake ikastaroan, aukera
Xake ikastaroa ere antolatu dute, Zilegi Eskolen barruan, Jon Altuna Iza Oxanek eskainia. Atzo hasi zen aurreneko txanda, baina bihar eta datorren ostegunean izango da bigarrena; kultur etxean, 09:30etatik 11:30etara.
Doan da ikastaroa, eta izena eman nahi duenak, aukera dauka oraindik: 663 043 314 edo zilegieskola@aek.eus.