Herritik pasako da Itzulia, gaur eta bihar

Kronika - Erredakzioa 2016ko api. 6a, 02:00

Bete-betean sartuko da Uru­mea bailaran Euskal Herriko Itzulia, eta Astigarragatik pa­sa­ko da, bai gaur eta bai bihar. Astelehenean hasi zen Itzulia, eta hirugarren etapa izango da gaur jokoan, Gasteizetik abiatu eta Lesakan bukatuta.
Goizueta aldetik iritsiko da tropela Astigarragara, arra­tsaldeko 16:00ak inguruan, eta A-15 errepidetik sartuta, Bentetara igoko dira zuze­ne­an, Perurenara. Hortik, 43 ki­lo­metro faltako zaizkie txi­rrin­dulariei, Lesakako hel­mu­gara iristeko.

Bihar, bueltako ibilbidea
Biharkoan ere pasako da tro­pela Astigarragatik, bueltako ibilbidea eginda. Izan ere, kon­­trako norabidean etorriko dira, Oiartzundik Bentetara igota, eta 14:15ak inguruan jai­tsiko dira Astigarragara, poli­gonoko errotondan A-15 erre­pide aldera joateko, Her­na­nira bidean. Lesakan hasi, eta Orion bukatuko da etapa, Aiara hirutan igo ondoren.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!