Emanaldi berezia eskainiko dute larunbatean, Astigarragako Andre Mari elizan, Aiztondok eta Hernaniko Kantuz abesbatzak. Udaberriko Kontzertua izango da, eta eliz musika saioa eskainiko dute, iluntzeko 20:00etan hasita.
Igor Arroyoren zuzendaritzapean ariko dira bi abesbatzak, eta bi musikariren laguntza ere izango dute kontzertu sakroan: batetik, biolontxeloarekin ariko da Maider Zapirain; eta bestetik, organoa joko du Josean Pascual.
Eskerrak, Mikel Goenagari
Baina berezia izango da kontzertua, batez ere, omenaldi bat ere jasoko duelako: Mikel Goenaga zenari, Astigarragako apaiz ohiari, eskerrak emateko aprobetxatuko dute larunbateko kontzertua.