Osasunaz eta errausketaz hitzaldia udaletxean, bihar arratsaldean

Osasunari eta errausketari buruz, hitzaldia emango dute bihar hiru medikuk: Aitor Alberdik, Koro Zabaletak eta Maialen Berridik.
Arra­tsaldeko 19:00etan ha­si­ko da hitzaldia, udaletxean, eta errauste plantaren arris­kuez ariko dira hiru espezia­lis­tak. Zubietan jarri nahi du­ten erraustegiaren harira an­to­latu dute saioa, Erraus­ketaren aurkako Astigarraga­ko pla­taformak eta Herrikoi elkarteak.

Gipuzkoako 25 medikuk, gelditzeko eskaera
Astigarragan bezala, hain­bat herritan eman dituzte hitzal­diak. Izan ere, Gipuzkoako 25 medikuko taldea osatu zuten, errauskailuak osasunean era­gi­ten dituen ondorioak txos­ten batean biltzeko. Txosten hori izan­go dute oinarri, bihar­ko hitzaldian.
Koro Zabaleta hernania­rrak Kronikari azaldu zionez, «kalte nagusiak dira minbizia kasuak eta minbizia dutenen hilkortasun tasa igotzen due­la, eta jaioberrietan mal­for­ma­zioak eragiten dituela giltzu­rrunetan, edota erbi-ezpain kasuak areagotzen dituela».
Horregatik, beraien eskaera da, «ezjakintasunaren aurre­an, gelditzeko. Gero damua, zertarako?», diote.