BIHARTIK aurrera, autobusaren erabiltzaileek garestiago bidaiatuko dute Gipuzkoan zehar. Izan ere, Gipuzkoako Garraio Lurralde Agintaritzaren Batzar Nagusiak garraio publikoko tarifa berriak onartu ditu, eta bihar jarriko dira indarrean.
Igoera orokorra, gaueko zerbitzuan izan ezik
Horrela, bidai bakoitzeko txartel arrunta erosten duenak 5 zentimo gehiago ordaindu beharko du hemendik aurrera, guztira 1,70 euroko kostua izango du.
Mugi txartelarekin bidaiatzen duenak, aldiz, aurreneko 20 bidaietan 2 zentimo gehiago ordainduko du hemendik aurrera, 0,93 zentimo, hain zuzen.
Gaueko zerbitzuko txartela izango da igoerarik gabeko bakarra; 2,10 euroko kostua du orain eta horrela mantenduko da 2016 urte osoan zehar.
Hernaniko Udalak martxoaren 18ko ez-ohiko plenoan onartu zituen tarifa berriak.
Ez-ohiko plenoan, onartuta
Gipuzkoako Garraio Lurralde Agintaritzaren Batzar Nagusiak onartu ditu tarifa berriak, eta erakunde publiko horren kide den heinean, baita Hernaniko Udalak ere.
Lurralde Agintaritzak eskatuta, indarrean jarri baino lehen onartu behar zituzten prezio berriak, eta fetxak betetzeko, ez-ohiko plenoa egin zuen Udalak martxoaren 18an. Bertan onartu zituzten udal-talde guztiek.