Astigartarrei apirilaren 17an egingo zaie galdera, nahiago duten hondakin bilketa sistema aukeratu dezaten. Aurretik bozkatu nahi dutenek, ordea, zabalik daukate epea, apirilaren 12ra arte, udaletxeko idazkaritzan, astelehenetik ostiralera, 09:00etatik 13:30etara. Beharrezkoa da nortasun agiriren bat eramatea. Galdeketaren inguruko informazio guztia www.astigarraga.eus webgunean dago, eta baita etxeetara bidali duten eskuorri informatiboan ere.