Asteartean ireki zituen ateak Chillida Leku museoak, eta bertan bildu zituen hainbat artista plastiko mahai-inguruan beraien kezkei buruz, eta artearen eta gizartearen arteko harremanari buruz hitz egiteko: Juan Genovés, Alfonso Albacete, Roberto Limós, Montserrat Soto, Oscar Mariné, Antón Patiño, José Freixanes, Valentín Valhonrat eta Jesus Mari Lazkano, hain zuzen.
Museoaren etorkizunari buruz, Luis Chillida
Artista plastikoez gain, bertan egon zen Luis Chillida, artistaren semea eta museoko zuzendaria. Onartu zuen museoaren irekieraren inguruan «berririk ez» dagoela, baina elkarrizketek «martxan jarraitzen» dutela.
Hala ere, azaldu zuenez «museoa ez da inoiz itxi», eta nahi duenari «beti ahalbidetu zaio bertaratzea».
‘Zabalagako topaketak’
Donostia 2016ari ekarpena egitearren Chillida Lekuk antolatu duen Zabalagako topaketak deritzon ekimenaren baitan egin zen herenegungo mahai-ingurua.
Kontzertu berezi batek eman zion hasiera otsailaren 2an, eta kasu honetan, eztabaida antolatzeko, VEGAP elkartearen (Visual Entidad de Gestión de Artistas Plásticos) laguntza izan du.