Aste Santuko oporretatik bueltan, astelehenean bueltatuko dira haurrak eskolara, eta horrekin batera, berriro jarriko da martxan Hernaniko BiziBusa ekimena.
Iaz hasitako egitasmoak, etxetik eskolarako joan-etorriak bizikletaz egitea bultzatu nahi du. Auzo guztietatik pasako da, eta taldean iritsiko dira herriko ikastetxe guztietara.
Hiru irteera herriko ikastetxeetara iristeko
Irteerak herriko hiru auzoetan ezarri dituzte. Lehenengo, Oialumetik abiatuko dira batzuk 08:24etan eta Martindegin elkartuko dira 08:25etan; Osiñagatik beste batzuk ordu berean; eta Etxeberritik azkenak, 08:30etan.
Herriko txoko guztietatik pasako dira hiru taldeak, eta ondoren, Urbieta kalean elkartuko dira, bakoitza bere eskolara joateko. Horrela, 08:50etan iritsiko dira Elizatxo, Urumea eta Inmakuladara, eta 08:52etan Langile ikastolako Laubidieta eraikinera. Ordutegiak eta mapa osoa www.kronika.eus-en ikusi ahal izango dira.
Hiru abiapuntu izango ditu BiziBusak: Martindegi, Osiñaga eta Etxeberri.
Izenematea zabalik, astelehenera arte
Eguraldi ona aprobetxatuz, astelehenean egingo dute urteko aurreneko irtenaldia haur eta heldu boluntarioek. Parte hartzea debaldekoa da, baina izena eman beharra dago: bizi_on@yahoo.es edo 688 87 79 30.