Bi partidu bakarrik falta dira ligaxkako fasea bukatzeko Sagardoaren Txapelketan, eta ia dena dago jokoan oraindik.
B multzoan, Urriza eta Labaka izango dira aurrenekoak. Eta beste hiruen artean jokatuko dituzte beste plazak: guztiak jokatuta, 5 punturekin daude Matxin III eta Endika. Eta azkenekoa jokatu behar dute Ansa IIk eta Ionek (4 punturekin) eta Zeberio IIk eta Zubirik (punturik gabe).
Barrenetxeak, partidu klabea ostegunean
A multzoa, oraindik irekiago dago. Ostegunean jokatuko du Barrenetxeak azkena Matxin VIrekin (5 puntu), multzoko lider bukatzeko, Ezkurra eta Larrañagaren kontra (4 puntu).
Momentuz, guztiak jokatuta, Etxeberria IV eta Agirrezabala dira lider (8 puntu); eta Uterga eta Aizpuru III bigarren (6 puntu), larunbatean 40-22 irabazi ondoren, Ezkurra eta Larrañagaren kontra.