Berriro jarriko da martxan Hernaniko BiziBusa; egunero eskolara bizikletan joateko egitasmoa, hain justu.
Oporretatik bueltatzearekin batera, apirilaren 4an hasiko da egitasmoa. Horrela, Hernaniko txoko guztietatik joango dira bizikletan, herriko eskola guztietara. Urrutien dauden auzoetatik abiatu, eta gero eta ikasle gehiago hartuko ditu BiziBusak, tropelean iristeko ikastetxera.
Hiru abiapuntu, lau helmuga
Lau ikastetxetara joango dira BiziBusarekin: Laubidietara, Inmakuladara, Urumeara eta Elizatxora.
Abiapuntuak, berriz, hiru izango dira: Martindegitik eta Osiñagatik, 08:25etan abiatuko dira; eta Etxeberritik, 08:30etan.
Hortik, adar bakoitzak bere bidea egingo du, eta Urbieta kalean elkartuko dira, Izpizua kaletik elkarrekin igo, eta bakoitzak bere ikastetxerako bidea hartzeko.
Izenematea doan, ikastetxean bertan
BiziBusean joateko, izena eman behar da aurrez, baina doan izango da. Ikastetxeetan apuntatu behar da.
Informazio gehiagorako, bi bide ere jarri dituzte eskura antolatzaileek: 688 877 930 edo bizi_on@yahoo.es.