Zikuñagako Amaren kapera berriaren inaugurazioa izan zen, atzo iluntzean, Ostegun Santuko mezaren nobedadea parrokian, eta jendetza bildu zen bertan. Jaunartzearen ondoren, bertara eraman zuten Jauna, eta Zikuñagako Amaren irudia atzetik.
Gaurkoan, berriz, Gurutz bidea egingo dute Santa Barbarara, goizeko 08:30etan abiatuta San Joan Bataiatzailearen parrokiatik.
Bost meza, Ostiral Santuz
Gero, bost meza ere izango dira herrian, Ostiral Santuz; goizean bi, eta Pasio ospakizuneko beste hiru arratsaldean: Ereñotzuko San Antonio elizan, 09:00etan eta 18:00etan; parrokian, 11:00etan eta 18:30etan; eta Floridako San Jose Langilean, 19:30etan.