Aste Santuan ere hutsik egin gabe, jaialdi berezia prestatu dute gaurko, Galarretan, arratsaldeko 18:00etan hasita. Lau partidu izango dira; horietako bi, Sagardoaren Txapelketari dagozkionak.
Batetik, Gurutzeta sagardotegiak egingo du debuta A multzoan, Ezkurra II (Koteto Ezkurraren partez ariko da) eta Larrañagaren eskutik, Etxeberria IV eta Zalduaren (Agirrezabalaren ordez) kontra.
B multzoko aurrenekoak, elkarren kontra
Eta bestetik, B multzoko aurreneko bi bikoteak ariko dira elkarren kontra: Urriza eta Labaka, Matxin III eta Endikaren kontra.
Gaurko beste bi partiduak: Ansa II, Matxin VIren kontra; eta Segurola eta Aizpuru III, Otaegi eta Zubiriren kontra.