Eskuorri informatiboak banatu dira etxeetan

Zer hondakin bilketa sistema nahi duten erabakiko dute astigartarrek apirilaren 17an. Udaleko talde guztiek ados­tu­ta, eskuorri bat egin dute gal­deketaren inguruko infor­mazio guztiarekin eta la­runbat eguer­dian aurkeztu zuten. Eskuo­rriak etxez etxe buzoneatu dituztela jakinarazi zuten.
Nerea Zusberro zinego­tziak eta komunikazio ar­du­radunak azaldu zuenez, eskuorrian informazio ze­ha­tza eman da, bi hizkuntzatan. Batetik, galdera: Zer hon­dakin sistema nahi duzu? Eta bestetik bi aukerak: A) Edu­kiontzien sistema, orga­ni­koa eta errefuxa itxita egongo direla; eta B) Atez ateko sistema, gaur egungoa.
Bestalde, kontsultaren egu­na, lekua eta ordua azal­tzen dira bertan; eta baita  ere azaltzen da botoa aurrez emateko aukera dagoela, eta mahaian egoteko boluntario izan daitekeela.
Aurkezpenean herritar ba­t­ek aipatu zuen, triptikoan azaldu dena ez dela herri­tarrekin adostu, hau da, par­te­hartze mahaian, eta az­ke­neko bileran hala egingo zela erabaki zutela. Zusberrok erantzun zion, bilera hartan eman zela aportazioak egi­teko aukera, eta talde pol­i­tikoekin adostuta egin dela eskuorria, eta hauek, herri­tarren ordezkariak direla. Baita ere, gabeziaren bat egon bada, etorkizunean kontuan hartuko dela azaldu zuen.