Norgehiagoka ikaragarria izan zen atzo Landaren. Tentsioa nabaria zen partiduaren hasierako minutuetatik. Bai Getxok eta bai Hernanik, puntuak behar zituzten. Bereziki, Hernanik, sailkapeneko azkenaurreko postuan baitago. Dena eman zuten zelaian, baina bukaeran, huts egin zieten indarrek, eta 15-29 galdu zuten.
Hasieran, aurretik
Aurretik jarri ziren hasieran hernaniarrak, eta erasoari eutsi zioten, gogor, atsedenaldira iritsi arte.
Pello Perezek lortu zituen aurreneko hiru puntuak 15garren minutuan, eta beste bost Ander Gutierrezek, 32garrenean egindako entsaioarekin. Erantzun egin zuen Getxok, eta entsaioa eta transformazioarekin, 8-7 iritsi ziren atsedenaldira.
Bigarren zatia hasi eta 8garren minutura, Getxok jo zuen erasora, baina tinko eusten zion oraindik, Hernaniko defentsak. Zigor kolpe bati esker, 8-10 aurreratu ziren getxoarrak, baina Pello Perezen entsaioarekin eta transformazioarekin erantzun zuen Hernanik, handik hiru minutura: 15-10.
Indarrak ahituta
Handik aurrera, ordea, indarrak ahituta geratu zen Hernani, eta partiduaren azken 20 minutuetan, erasoari ekin zioten getxoarrek; hiru entsaio eta bi transformaziorekin, 15-29 bukatu zen partidua.
Hurrengo partiduak are gogorragoak izatea espero da, baina Hernanik ez du etsiko.