ASTE Santuari begira, ekintza bereziak antolatu ditu Sagardoaren Lurraldeak Astigarragan dagoen Sagardoetxean.
Bisita gidatuak, egunero
Sagardoetxean jada ohikoak diren bisita gidatuak egiteko aukera egunero egongo da. Gainera, bisita gidatuen ondoren, sagardotegi batean bazkaltzeko edo afaltzeko aukera luzatzen du Sagardoaren Lurraldeak. Bisita gidatuak goizez nahiz arratsaldez egiteko aukera egongo da. Ordutegiak izango dira: martxoaren 24tik 28ra, 11:00-14:00 eta 16:30-20:00; martxoaren 29tik apirilaren 2ra, 11:00-13:30 eta 16:00-19:30; eta apirilaren 3an 11:00-13:30.
Beste bi plan, Aste Santurako
Horrez gain, Euskal Herriko gazta ezberdinen dastaketa eta, haurrentzat, Pazko arrautzen jokoa egingo dira.
Informazio gehiagorako
Informazio gehiago eskuratzeko edo erreserbatzeko, deitu 943 44 05 75 telefonora edo idatzi info@sagardoarenlurraldea.com. yy